Медиасаводхонлик бўйича Олий Мажлис Қонунчилик палатаси Девонининг ходимлари учун ўқув курс

Қонунчилик палатасининг тегишли қўмитаси, ЕХҲТнинг Ўзбекистондаги лойиҳалар координатори, Жамоатчилик кенгаши ҳамда Ўзбекистон журналистларни қайта тайёрлаш маркази ҳамкорлигида Қонунчилик палатаси Девонининг ОАВ билан ишлашга масъул ходимлари учун медиасаводхонликни ошириш юзасидан ўқув курси ташкил қилинди.
Ўқув курсида иштирокчиларга медиа ва ахборот саводхонлигининг асосий тушунчалари, шу жумладан пропаганда, манипуляция усуллари, ахборот хуружлари, киберхавфсизлик муаммолари ва алгоритмлари, сунъий интеллект, кибербуллинг ҳамда спамлар тўғрисида тушунтиришлар берилди. Ўқув курси якунида иштирокчиларга сертификатлар тақдим этилди.