Mamlakatimizning “yashil”ligiga Jamoatchilik kengashi ham o‘z hissasini qo‘shmoqda

O‘zbekiston Respublikasi Oliy Majlisi huzuridagi Axborot sohasini va ommaviy kommunikatsiyalarni rivojlantirish masalalari bo‘yicha Jamoatchilik kengashi a’zolari ham har kuni dastur doirasida Toshkent shahar Yunusobod tumanida joylashgan maktab va poliklinikalarga tashrif buyurishmoqda. Tashrif mobaynida turli-tuman ko‘chatlar o‘tqazib Prezident belgilab bergan dastur doirasida o‘lkamizning obod bo‘lishiga o‘z hissasini qo‘shishmoqda.
Hududlarda fuqarolar bilan uchrashuvlar chog‘ida Jamoatchilik kengashi tomonidan so‘nggi yillarda yurtimizda kechayotgan siyosiy jarayonlar, ochiqlik siyosati hamda boshqa ijtimoiy-siyosiy holatlar yuzasidan ma’lumotlar berilmoqda. O‘quvchi va murabbiylar, tibbiyot muassassalari xodimlari ham yeng shimarib ko‘chatlarni o‘tqazishga o‘z hissasini qo‘shmoqdalar.
Fuqarolar Jamoatchilik kengashi a’zolaridan qabul qilinayotgan qonun hujjatlari mazmuniga oid izoh va tushuntirishlar olib o‘zlarining huquqiy bilimlarini boyitib borishmoqda.
“Yashil makon” umummilliy dasturi orqali o‘lkamizning tabiati yanada yaxshilanib, shaharning ko‘rinishi ham yanada jozibaliroq tus oladi deb o‘ylaymiz.