O'zbekiston Umumjahon pochta ittifoqining Ustaviga kiritilgan bayonnomalarni tasdiqlash arafasida

Ayni damda Oliy Majlis Qonunchilik palatasida “Umumjahon pochta ittifoqining Ustaviga O‘ninchi qo‘shimcha bayonnomani (Addis-Abeba, 2018-yil 7-sentabr) va O‘n birinchi qo‘shimcha bayonnomani (Abidjan, 2021-yil 26-avgust) ratifikatsiya qilish to‘g‘risida”gi qonun loyihasi dastlabki tarzda ko‘rib chiqilmoqda. O‘zbekiston Respublikasi 1994-yildan buyon Umumjahon pochta ittifoqining a’zosi sifatida uning faoliyatida faol ishtirok etib kelmoqda. Ayni vaqtda Umumjahon pochta ittifoqi 192 ta davlatni birlashtirgan. Mazkur qonun loyihasining ratifikatsiya qilinishi O‘zbekiston uchun Umumjahon pochta ittifoqiga a’zo mamlakatlar bilan xalqaro hamkorlikni samarali davom ettirishga hamda xalqaro pochta almashinuvini tashkil etish va amalga oshirishning umumiy tamoyillari asosida sifatli xizmatlarni barqaror rivojlantirish imkonini beradi.
Ta'kidlanishicha, Umumjahon pochta ittifoqining qo‘shimcha bayonnomalarni ratifikatsiya qilish ushbu xalqaro tashkilotning to‘liq asosida samarali ishtirok etish imkonini ham beradi. Shu bilan birga, boshqa davlatlarning belgilangan pochta operatorlari va boshqa xalqaro tashkilotlar bilan o‘zaro munosabatlarida O‘zbekiston Respublikasi manfaatlarini o‘z vakolatlari doirasida himoya qiladi. Yig'ilishda qonun loyiihasi yuzasidan Qonunchilik palatasining navbatdagi majlis kun tartibiga kiritilishi haqida Qo‘mita xulosasi berildi.