Mehnat sohasidagi islohotlar

2025-yil 13-fevral kuni fuqarolarning mehnat huquqlari kafolatlari ta’minlanishiga, mehnat sohasidagi munosabatlarning elektron tizimga o‘tishini ta’minlashga, shuningdek davlat organlari va tashkilotlariga ishga kirayotgan fuqarolardan ortiqcha hujjatlarni talab qilish hollarini bartaraf etishga xizmat qiladigan Qonun imzolandi. Qonunga ko'ra mehnat shartnomasi nafaqat yozma balki elektron shaklda ham rasmiylashtirilishi mumkin. Shu bilan birga, qonunga ko'ra xalqaro standartlar inobatga olingan holda haq to'lanadigan mehnat ta'tili kunlaridan yakshanba (dam olish kuni) chiqarilib tashlanmoqda.
Qonun bilan ayollar huquqi yanada mustahkamlanmoqda, ya'ni avvallari homiladorligi yoki farzandi borligi bahonasida ishga olish yoki oylik maoshini kamaytirishga taqiq qo'yilgan bo'lsa, bugunga kelib bunday vajlar bilan ayollarni ishdan bo'shatishga ham taqiq qo'yilmoqda.